Tyrannophone – Një iPhone me një dhëmb të vërtetë dinosauri në kasën e tij
Kur ari, platini dhe gurët e çmuar nuk mjaftojnë për të shitur iPhone të personalizuar, është koha për të nxjerrë në pah gjërat më intriguese, si dhëmbët e vërtetë të dinosaurëve.
Kompania Caviar ka prodhuar variante luksoze me porosi të modeleve të njohura të iPhone për shumë vite, por kësaj here ata po bëjnë diçka krejtësisht të ndryshme. Pas prodhimit të llojeve të ndryshme të iPhone-ve të veshur me ar dhe me diamant, kompania ruse tani po prezanton dhëmbë të vërtetë dinosauri si pjesë të arsenalit të saj.
Tyrannophone është një iPhone 13 Pro i bërë nga një material kompozit i lehtë që përmban aliazh 24 K të veshur me ar. Por gjëja vërtet e veçantë e Tyrannophone është koka e relievit e tiranosaurit në anën e pasme, ku një nga dhëmbët e dinosaurit, është një dhëmb T-Rex 80 milionë vjeçar.
Tyrannophone ka një imazh 3D të një koke dinosauri, me një vështrim të syrit të tij të verdhë, të bërë nga qelibar i pastër. Buzëqeshja grabitqare e këtij përbindëshi nuk është thjesht një element dekori, por edhe një element ekskluziviteti dhe unik, sepse një nga dhëmbët e një tiranozauri është real! Ai përmban pjesë nga një dhëmb i vërtetë Tyrannosaurus, 80 milionë vjet i vjetër.
Vetëm shtatë Tyrannophone iPhone 13 do të prodhohen, kështu që faktori i ekskluzivitetit është i garantuar. Tani gjithçka që duhet të bëni është të bëni bashkë nja 9,150 dollarë për versionin 1 TB. / Punë Burrash
