Si të “merreni vesh” me qentë e rrugës, në rast se ju sulmojnë?!
Qentë endacakë janë të përhapur dhe herët a vonë, ju do të përballeni me një ose dy endacakë. Rreth 99% të rasteve, endacakët e shmangin konfrontimin me njerëzit, por mund të ndodhë që një qen të vendosë të sulmojë.
Por ja disa nga mënyrat si të silleni nëse ndesheni me qentë endacak:
Qëndroni të qetë dhe largohuni por mos vraponi.
Kjo është gjëja më e thjeshtë, më e rëndësishme për të mbajtur mend. Nëse një qen endacak po ju leh nga një distancë, ka shumë të ngjarë që t’ju paralajmërojë të qëndroni jashtë territorit të tij. Ajo do të qëndrojë në buzë të territorit të tij dhe do të lehë për t’ju paralajmëruar që të mos hyni në të. Për sa kohë që qëndroni të qetë dhe largoheni nga qeni, nuk duhet të keni asnjë problem.
Çfarëdo që të bëni, mos ikni; qentë ka të ngjarë t’iu ndjekin instiktivisht dhe sigurisht nuk ka asnjë mënyrë që të vraponi më shpejt se sa ata. Territori, kjo është arsyeja që ju shikoni qentë që ndjekin makina dhe motoçikleta.
Shmangni konfrontimin me tufat e qenve
Nëse hasni në rrugën tuaj një tufë me qen, atëherë ky është rast qëkërkon kujdes. Besimi i qenve shumëfishohet kur ata kanë shokët e tyre përreth dhe ata e dinë mirë se si të koordinohen ndaj një kërcënimi. Tufat e qenve nuk sinjalizojnë gjithmonë qëllimin e tyre agresiv duke lehur, ata mund të jenë kërcënues edhe në heshtje.
Nëse një tufë qensh sillen miqësisht, ka shumë të ngjarë që nuk do keni probleme. Por besojini instikteve tuaja në këtë; nëse një tufë ndihet kërcënuese edhe nëse askush nuk leh, mos e provokoni. Ecni larg dhe gjeni një rrugë tjetër edhe nëse iu bie më gjatë.
Interesante për sjelljen e tyre është se nëse një qen tund bishtin e tij, nuk është domosdoshmërisht shenjë miqësie. Qentë tundin bishtin kur janë të ngazëllyer dhe një qen që do t’ju kafshojë patjetër që do të ndjejë eksitim në përballjen e ardhshme. Në fakt, shumë qen tundin bishtin e tyre edhe kur nuk janë miqësorë.
Dërgoni sinjale qetësuese.
Ka mënyra të thjeshta që ju mund t’i jepni sinjal një qeni se keni qëllime paqësore. Duke i kryer këto, ju po i tregoni qenit se nuk do ti bëni dëm dhe do të shmangni shkaktimin e agresionit të tij.
Mos harroni se shumica e qenve të vetmuar kanë frikë nga njerëzit. Duke u thënë atyre në gjuhën e tyre se nuk jeni këtu për t’i sulmuar ata, ka të ngjarë të tërhiqen.
Disa sinjale të dobishme qetësuese që përdoren shpesh: Bëni zhurmë, lipini buzët tuaja, shmangni kontaktin me sy, qëndroni anash qenit, lërini të afrohen dhe të nuhatin (por mos ngrini dorën; ata mund të tremben dhe kafshojnë).
Po kështu, shmangni veprimet dominante ndaj qenve. Kjo shkon kundër sugjerimit të shumë njerëzve, por ashtu si me njerëzit, nëse përshkallëzoni agresionin, gjithmonë ekziston rreziku që tjetri të kundërveprojë. Mos harroni, qëllimi është që të largoheni të padëmtuar, dhe jo të demostroni se jeni më dominues.
Disa sjellje agresive tuaja që duhet t’i shmangni: Duke ju ngritur zërin apo duke ju bërtitur apo duke vrapuar pas tyre.
Kërkoni ndihmë nga vendasit.
Vendasit janë një ndihmë e madhe kur merreni me qentë endacakë. Në fakt, nuk keni gjasa të keni ndonjë problem të vërtetë për sa kohë që vendasit janë afër. Qentë do t’i njohin ata, dhe njerëzit do të dinë se si të merren me endacakët lokalë. Nëse asnjë vendas nuk është afër dhe nuk dini çfarë të bëni për të shmangur dëmtimet, vetëm kërkoni për ndihmë.
Bëni sikur po merrni një gur
Duke ju paralajmëruar kundër sjelljes agresive, ky është veprim që qentë me siguri do ta perceptojnë si një agresion. Përdoreni këtë si mjetin e fundit nëse dështojnë mënyrat e tjera. Përkuluni dhe mashtroni duke marrë një gur të vogël. Për disa arsye, ky është një gjest që qentë në të gjithë botën kanë mësuar ta njohin si një burim të dhimbjes së afërt.
Ndonjëherë frika ndaj gurëve funksionon, mund ti bëjë qentë më agresivë, por mund ti mbajë edhe në distancë të mjaftueshme.
Çfarë të bëni nëse sulmoheni?
Nëse një sulm qeni duket i pashmangshëm, përdorni një objekt – një çantë shpine, një shkop, madje edhe këmishën tuaj të mbështjellë rreth parakrahut nëse iu lejon koha – për të shmangur një sulm. Mos u mundoni të godisni qenin pasi ka të ngjarë të shmanget dhe të lëvizë brenda rrezes. Nëse sulmoheni, përdorni parakrahun tuaj për të mbrojtur kokën dhe fytyrën me çdo kusht.
Nëse kafshoheni nga qentë, shkoni në një spital sa më shpejt që të mundeni. Shumë qen endacakë mund të jenë të tërbuar, i cili mund të jetë vdekjeprurës. Do t’ju duhen mjekime kundër infeksionit dhe gjilpëra kundër tërbimit. / Albeu
